Ümumiyyətlə, saytdaxili axtarış səhifələrinin, axtarış sistemləri tərəfindən indekslənməsində hər hansı bir məntiq yoxdur. Hətta bəzi hallarda daxili axtarış nəticələrinizin indeksləşdirilməsi, saytınız üçün zərərli ola bilər. Bu tip səhifələri indeksləşdirməkdən yayınmaq üçün iki mühüm amil var.
Botların tədqiq balansında olan limit (crawl budget)
Axtarış sistemlərinin tətbiq etməsi üçün internetdə milyonlarla səhifələr var. Buna görə də, botlar, hər bir sayta "tədqiq balansı" kimi tanınan hədd müəyyənləşdirir. Qısası, hər bir sayt üçün limit var. Buna görə də, tədqiq büdcənizi və vaxtınızı axtarış səhifələrinin indekslənməsinə sərf etmək məqbul bir yanaşma deyil. Nəzərə alsaq ki, onlarla hətta minlərlə axtarış sorğusuna səhifələr yaradılır, bu addımın nə qədər məntiqsiz olduğu anlaşılır.
Buna görə də, veb saytınızın mövcud tədqiq balansını optimallaşdırmalısınız. İlk addım kimi, hansı səhifələrin axtarış sistemləri tərəfindən indeksləşdirilməsinin, sizin üçün həqiqətən vacib olduğunu müəyyən etməkdir.
Hər zaman nəzərə alın ki, axtarış nəticəsi səhifələri əsas səhifələrinizin dublikat məzmunundan ibarətdir. Nəticə olaraq, botların vaxtını dublikat məzmunu olan böyük səhifələrə sərf etmək istəməzsiniz. Bu, boşuna indeks şişməsinə səbəb ola bilər.
Qeyd: İndeks şişməsi - vebsaytın axtarış sistemlərinin indeksində lazımsız səhifələrin olması halıdır.
İstifadəçi təcrübəsi problemləri
Axtarış nəticəsi səhifələrinin indeksləşdirilməsi istifadəçilər cəhətcən mənfi təcrübəyə səbəb ola bilər. Belə ki, həmin tip səhifələr indekslənsə, bu halda istifadəçilər məsələn Google sorğusundan həmin səhifələrə klikləyəcəklər. Lakin, bu səhifələrdə əhəmiyyətsiz və faydasız məzmunlar görəcəklər. Bu saytdan sıçrayış faizinə və istifadəçi təcrübəsinə mənfi təsir edə bilər.
Nəzərə alın ki, istifadəçilər müvafiq, faydalı və düzgün naviqasiya olan səhifələrə daxil olmalıdırlar. Lakin axtarış nəticələri səhifələri bu məqsədlər üçün müvafiq deyil.
Axtarış nəticələri səhifələrinin indeksləşdirilməsinin qarşısını necə almaq olar?
Ümumiyyətlə, bunu etmək üçün 3 əsas üsul var. Bunlar isə öz növbəsində texniki SEO məsələləridir.
1. Axtarış nəticəsi səhifələri üçün Noindex istifadə edin
Bu kiçik kod parçası, bu tip səhifələrin hamısında olmalıdır. Ümumiyyətlə, noindex metodu səhifələri indeksdən silməyin ən asan yollarından biridir.
<meta name="robotlar" content="noindex, nofollow">
2. 301 Yönləndirmə
301 yönləndirmə ilə bu tip səhifələri müvafiq digər səhifələrə yönləndirə bilərsiniz.
3. Robots.txt ilə "disallow" metodu (tövsiyə olunur)
Bu ən optimal həlldir. Belə ki, bu faylda aşağıdakı düzəlişi etməklə, botların həmin səhifələrə daxil olmasını əngəlləmək mümkündür. Misal:
User-agent: *
Disallow: /search?
Allow: /
Bir sözlə, çalışın ki, saytdaxili axtarış nəticələrinin səhifələri indekslənməsin. Problemi həll etmək üçün bu üsullardan birini tətbiq edə bilərsiniz.